il Chardun

revista  rumantscha independenta

CH - 7559 Tschlin

fon 081 866 36 76

IBAN CH

01/2015

Pü gugent ün lej               

 

Üna saiv da 2.5 meters otezza vögliane fer intuorn tuot la plazza aviatica da Samedan. Grandius. Scha quella saiv tgness almain davent la spüzza e’l fracasch!

Ad argumanteschan cha la plazza aviatica nu saja sgüra avuonda. Cha muvel pasculescha in vicinanza da la plazza. Ma per quel muvel nu voul que üna saiv da 2.5 meters. Üna saiv electrica basta e quella es sgürischem adüna installeda cur cha las vachas pasculeschan.

Ch’üna intera classa da scolars saja passeda culs skis da passlung sur la plazza aviatica aint. Prubabelmaing eira la plazza cuvierta d’üna bella vetta da naiv. Uschinà vessan ils iffaunts stuvieu trer our ils skis. La plazza eira sgüra serreda e’ls aviuns nu pudaivn svuler!

La sulvaschina! Es la sulvaschina propi ün motiv per metter no üna saiv chi sgrada la bella cuntredgia?

Eau d’he adüna dit: ün bel lej füss bger pü bel e dess bger damain problems.

 

Baldina