il Chardun

revista  rumantscha independenta

CH - 7559 Tschlin

fon 081 866 36 76

IBAN CH

01 2015

Id es WEF, ed ingün             

(dals adversaris) nu voul plü ir là

 

Il WEF es ün uffant da la globalisaziun, impustüt da la globalisaziun economica e da la globalisaziun dals raps. Ed uschè es el eir adüna gnü pratichà, fin hoz. Scha seis fundatur Klaus Schwab prouva ad ün cuntin da far vaira, cha’l WEF e Tavo sajan eir ün lö da la pasch e da la chüra da l’ambiaint, alura es quai büttà sablun aint ils ögls. E quai han badà eir las organisaziuns “non profit” e la fundaziun “public eye”. Quels as retiran dal WEF e transferischan lur activitats i’ls centers da l’economia, là ingiò chi vegnan trats ils fils effectivs da la demontascha e dal declin da l’economia sociala e düraivla. Persunas da nom e da pom dal ravuogl politic ed economic celebreschan a Tavo la pussanza inviolabla. E’l pövel es exclus. Exclus tras masüras enormas da sgürezza. Armadas da sudada e pulizia protegen “l’elita”, quai per part eir cun acziuns na confuormas a las reglas dal dret. Quai s’ha vis avant ün pêr ons per exaimpel a Landquart, ingiò cha demonstrantas e damonstrants sun gnüts trattats per part cun masüras na degnas ad üna società da l’illuminissem ed umana. Ed hoz as dan da buonder ils respunsabels dal WEF e da las medias, chi mancan ils adversaris. La famiglia da la critica da la globalisaziun e’l “muvimaint d’occupy” s’han retrats da Tavo. E quai es quasi ün pà la perdita da la legitimaziun da quist “event”. Tuna bain ün pà curius, ma la ponderaziun am para glistess degna da gnir manzunada. Ingiò chi nu’s chatta ingün inimi nu daja ingüna guerra. Insè ün fat positiv. 

 

CASA