il Chardun

revista  rumantscha independenta

CH - 7559 Tschlin

fon 081 866 36 76

IBAN CH

03/2015

Prümavaira             

 

La prümavaira es per mai adüna üna dischillusiun. Minch'on m'allegra i lura quist: mincha prümavaira las listessas fluors. Cler chi nu's po dir nöja dad üna primula, mo no tilla cugnuschain, immez gelg ed intuorn rösa o cotschen. I nun es però uschea ch'eu dschess a mi'amia: « Wow guarda üna jada quista bella flurina » e quella am dschess alura « «haiai immez gelg ed intuorn cotschen sco minch'on ».

Id es uschea sco schi's stess ün inviern inter davant la butia d'apple per spettar il nouv prodot e cur chi rivan las portas daja be il iPhone nr. 1. No eschan tantüna fingià pro'l iPhone 6 e dal 2015 sarà il nr. 7 sül marchà. Nu bada la natüra quai? No eschan düsats cha'ls prodots vegnan adüna plü buns e che ha la natüra megliorà vi da la primula ils ultims ons? Eu nu di uschè jent mo la natüra ris-cha cha no cumainzan a far svessa las primulas scha chattain oura sco chi funcziuna. Pro no viva tuot l'industria dal spiert innovativ e da la moda. No nu chaminain neir na plü intuorn sco dals ons 40 cun permanentas e chotschas da pon dür. La natüra sto simplamaing esser in moda e quai impustüt eir pro no in Svizra perche no eschan tantüna üna democrazia e schi fa dabsögn schi faina ün'iniziativa i lura decida il pövel sco cha la primula ha da verer oura i lura dschaina güsta eir quantas e chenünas chi pon crescher e prosperar pro no.

 

Giovannina