il Chardun

revista  rumantscha independenta

CH - 7559 Tschlin

fon 081 866 36 76

IBAN CH

03/2015

TERRORISTS A ZERNEZ              

 

Id es las ses e mezza, vus udis las noviteds dal Radio rumauntsch, ün dals trais temas hoz: L’attentat terroristic a Zernez. Scu cha la pulizia ans infurmescha haun quatter homens suglios cun üna pelerina naira attacho vers mezdi a set persunas chi’s vaivan radunedas per üna tschanteda illa seletta da l’hotel da l’Uors. Cul clam „Gio cul CHARLIE d’Engiadina“ hegian els cumanzo a schluppetter cun lur armas militeras per que d’intuorn, cun ün sbagizi in tuot ils idioms  hegian els lura banduno l’hotel e sajan gnieus vis in ün auto in direcziun da Valsuot. A nun ho do üngüns morts, ils set haun chatto sün lur maisa ün fögl volant culs pleds: Eir scha Vos elaborat vain transmiss be sur INTERNET e cha quista nouva tecnologia nun es auncha riveda fin sü cusü illas muntagnas blovas, eir scha Vos elaborat as zoppa davous il nom inozaint dal CHARDUN e nu vain let dad ingün, appartgnais eir Vus cun Vossas caricaturas e calumnias tar la spezcha subumauna chi stu gnir desdrütta! Scha mê cha vess da cumparair aunch’ün numer dal CHARLIE rumauntsch As pudais preparer ad ün’attacha seriusa e mortela.“

 

L’ustera vaiva mno ün prüm cuffüert in furoma d’ün IVA speziel. Sün que haun ils set Chardunais-chs tratto la nouva situaziun ed haun comunicho a la pressa be quista frasa: Nus nu pudains respuonder cha nossa revista dvainta ün prievel da vita taunt per nus scu eir per noss lectuors e perque saro il numer dal Chardun d’avrigl eir nos ultim! 

 

La pulizia ho pers tuot ils stizis chi pudessan mner a la soluziun da quist act terroristic.

 

ro