1/1

03/2015

Invid a la festa
Palorma dal Chardun

 

Charas amias, chars amis dal Chardun

stimadas damas, stimats signuors

 

IL CHARDUN oriund es nat dal 1971 sco revista mensila. El es cumparü fin l’on 1991, dimena dürant 20 ons sco gazetta sün palperi. Daspö l’avrigl 2004 e’l cumparü mincha mais in fuorma electronica www.ilchardun.com. In avrigl 2015 sun cumparüdas las ultimas contribuziuns. Uossa exista be amo la chasa editura e la pagina resta in funcziun per acziuns specialas.

 

Il motiv per la sepultüra d’eira la mancanza d’interess. La pagina nun es plü gnüda visitada da bler(a)s lecutur(a)s.

Forsa vessan nus stuvü spordscher üna gazetta plü interessanta, plü spinusa, plü umoristica, plü moderna? Ma forsa esa eir uschè, cha las vuschs criticas nun interessan plü? Sarà quai ün fenomen da la vita moderna - culturala e politica? L’appel da Stéphane Hessel „s’indegnai“ nu vain dudi.

 

Sia sco chi vöglia: Il Chardun invida a la „Festa da palorma“. Tuot las amias e’ls amis da nossa revista sun invidats. Ils cuosts per l’entrada e la tschaina surpiglia il Chardun. Las bavrondas van a charg dals giasts. Pel bal sunan ils „Wiener Tanzgeiger“, üna fuormaziun da musicants excellents. Nus ans inscuntrain dimena

 

in sonda, 17 october 2015

a partir da las 17.00

i’l Hotel Bär/Post a Zernez.

 

Già cha las plazzas sun limitadas ad 80 persunas, faja dabsögn d’üna

annunzcha. Las annunzchas vegnan resguardadas tenor l’entrada. I fa dimena sen, da s’annunzchar uschè svelt sco pussibel:

 

Las plazzas sun limitadas.

S'annunzchai:

o per posta: Il Chardun, 7559 Tschlin

fon:  081 / 866 36 76

 

Chi chi voul pernottar i’l hotel: quia

 

Nus sperain sün Tia/Vossa cumparsa e’ns allegrain sün üna bella festa!

                                      

                                                                                    Baldina, Jacques ed Angelo

il Chardun

revista  rumantscha independenta

CH - 7559 Tschlin

fon 081 866 36 76

IBAN CH