03/2015

bainvgnüda l’indifferenza e l’ignoranza    

 

Il Chardun es dimena istorgia. Üna istorgia commossa chi piglia sia fin. I restan allgordanzas ad auturas ed autuors ingaschats, il Chardun d’eira ün’instituziun, natüralmaing dispittaivla – e quai d’eira sia qualità. El ha provochà discussiuns e cumbattü per la lingua e cultura rumantscha, però cumbattü eir cunter l’arroganza dals promotuors da surfabricaziuns speculativas e da progets surdimensiunats. Ed hoz resta la dischillusiun. Il clom dals admonituors es svani sainza rebomb.

 

I’s derasa ün sindal da melancolia sur mi’orma: Il Chardun d’eira per mai üna spezcha da ventil per laschar sparir meis impissamaints, chi taintan meis tschervè e mi’impotenza dad incleger il gir dal muond, da chattar il scopo da la vita e da’m defender cunter l’indifferenza e l’ignoranza moderna da quist planet.

 

I nu regna però la rasegnaziun. Eu nu poss müdar meis trats da caracter. Il cumbat sto ir inavant, però sainza il Chardun – e quai es puchà. I manca ün pà il portavusch da la critica fundada ed ün’alternativa al mainstream dals cuntourns medials. 

 

On verrà, comme est la vie sans ses fous.

 

Angelo Andina (CASA)

il Chardun

revista  rumantscha independenta

CH - 7559 Tschlin

fon 081 866 36 76

IBAN CH