04/2014

Dilemma          

Pol Clo

 

Eau scrivess uschè gugent

spontan, sainza cussagls,

ma a’m mauncha il talent

da scriver sainza sbagls.

 

Eau cugnuosch be tschinch persunas

cumpetentas i’l puter,

chi d’correger haun già plunas,

nu las poss aunch’incharger.

 

Perque büt davent il scrit

lo tuot chi’l lascha ster.

Üngün nun ho da dvanter grit

eau spargn da’l publicher.

 

 

Il pover fastüjet              

polclo

 

Our da ma valletta

boffa ün vent crüj.

A l’ur dla vietta

resta ün fastüj.

 

El es la restaunza

d’ün superbi pro

plain fluors e pussaunza

uoss’abanduno.

 

La racolt’es fatta,

tuot sto bain suot tet.

A te üngün nu chatta,

pover fastüjet.