04/2014

Nu para quai eir a tai, chi vegna adüna daplü fat faira cun la lingua? Id es da's varsiar, nischi! Eu poss far il "bestätigen", cha quai es uschè. I's doda o i's legia p.ex. "far giò" impè da decider, "ir aint illas chotscha". Ingò mâ vegn fat la luotta da professiun quia pro nus? Scha lura dafatta, cha las duonnas gessan aint illas chotschas, e cha quellas (las chotschas) füssan magari be ün uschedit 'string'', lura bombom !!! Ah...! Quai sarà manià, chi's stopcha cumanzar alch cun persvasiun e cun schlantsch. Basta! Lascha'm "lavurar sü" perche cha da lavurar jò, quai nu suna bun, gnanca per da dir nöa! "Il quint es i sü"; el pudess eir tuornar. "La populaziun es dumandada", mâ schi che mâ hana lura dumandà a la populaziun? Forsa da "viver avant" alch, o vessna da viver davo, ed impè da far chaschöl grischunais", pudessna eir be far solit chaschöl grischun. Insomma!

Bert. T, Z.

  • Schi, insomma!

 

Sast forsa tü Giongion, perche chi voulan ir a tuot cuost aint il Grond Cussagl o aint illa Regenza. Es quai forsa pervi dal 'prestisch'? O sun forsa cumprais aint in lur schmagna, brama eir amo oters argumaints?

Alma. L. S.

  • Eir pervi dal 'prestisch' ed apunta d'oters motivs, cumbain, cha la "classe politique" nun ha adüna classa!
    Ma a crajer ad ellas ed ad els es quai surtuot per as sacrifichar pel bön cumön, per la bainstanza e per il bainesser public.

il Chardun

revista  rumantscha independenta

CH - 7559 Tschlin

fon 081 866 36 76

IBAN CH