il Chardun

revista  rumantscha independenta

CH - 7559 Tschlin

fon 081 866 36 76

IBAN CH

04/2014

Il nouv reservat              

 

Zieva l’ouvra da pioniers d’avaunt 100 ans cur cha’d es gnieu fundo il Parc naziunel s’haun tscherts pioniers federels finelmaing darcho chattos per funder ün nouv reservat da quist gener e quelo – s’impissè’s be - vögliane fer our da tuot il territori da l’Engiadin’Ota.

Tenor üna schurnalista da la Engadiner Post sajans in mincha cas sün megldra via da’ns lascher fer ün reservat our da nossa bell’Engiadin’Ota. Ed ella as fo grands pissers.

Che d’eira capito ? Las societeds da pendiculeras vaivan pera fat trais dumandas – üna da quellas per pudair fabricher üna pendiculera da San Murezzan sur il Lej dals chöds sü vers il Corvatsch – e tuottas trais dumandas sajan gnidas refüsedas. In sieu commentari suottastricha la schurnalista püssas voutas cha que saja cler cha la natüra saja il chapitêl il pü important da l’Engiadin’Ota. E l’ultim vain ella a la conclusiun : « A la natüra plescha quecò cun sgürezza…ma als umauns ?

»Quista schurnalista vezza dad üna vart il nosch chapitalissem (dimena la natüra, nos chapitêl il pü important) e da l’otra vart ils povers umauns (chi nu paun pü fer que cha vöglian).

Cò possi be luder las instanzas federelas chi haun demusso spiert da pionier in stimand dapü nos chapitêl cu nossas marottas!

 

göri