il Chardun

revista  rumantscha independenta

CH - 7559 Tschlin

fon 081 866 36 76

IBAN CH

04/2014

L'uman es pers              

 

Blera roba vain hozindi prodütta in pajais lontans, s-charpas e büschmainta derivan impustüt da la China e da Bangladesh. Dischlocaziun es ün pled modern da nossa economia. Las pajas pro no sun bler massa otas e’l t-shirt sto cuostair suot 10 francs. Ils cuosts per ün’ura da lavur cuostan p. ex. in China o in India ün 25avel (!) dals cuosts in Svizra. E quai nun es gio da tuot amo adüna na bunmarchà avuonda. Uossa cumainzan eir il Chinais da dischlocar la producziun, per exaimpel s-charpas - e quai in Africa. Là sun las pajais sco chi para amo plü bassas. Dimena: Üna s-charpa chi vain vendüda in üna butia in Svizra ha fat fingià ün lung viadi. L’importader posta las s-charpas pro ün producent in China. Quel trametta inavant la postaziun in Etiopia. Là vain la s-charpa prodütta e tramissa inavo in China per la controlla e davo furnida in Svizra. Ed in butia es ella amo adüna bler plü bunmarchada sco sch’ella füss gnüda fatta in Svizra. Che chi nu vain natüralmaing resguardà es la producziun da CO2 cha la s-charpa ha chaschunà e tras quai il don pel clima. Autenticità dals cuosts – alch chi nu funcziuna neir in quist cas - a favur da l’economia gobalisada e la creschentscha da l’economia. Invezza füss quai la clav per salvar il clima e l’ambiaint.

Ma eir las pajais da las vendadras e dals vendaders dals distributuors gronds sco dal Coop e da la Migros sun massa otas. Il squitsch da la concurrenza vain adüna plü grond. Aldi, Lidl e sco chi han nom tuot quellas firmas chi voulan eir avair alch da la furia da cumprar prodots bunmarchats fan squitsch. L’iniziativa per pajais minimalas lascha salüdar! Coop ha perquai uossa introdüt fingià in diversas butias la chascha roboterisada. La cliainta o’l cliaint muossan il prodot a la maschina e quella registrescha la cumprita e’l cliaint po pajar cun seis handy. Quo vadis, homo sapiens?

 

CASA