il Chardun

revista  rumantscha independenta

CH - 7559 Tschlin

fon 081 866 36 76

IBAN CH

05/2014

Curo Mani

 
Pastgeader sulet            

 

La sera tard

sper la riva digl lai

c'e ner neranturs

sut egn tschiel sainza gliegna,

la torta badainta

sur l'aua vei –

cun deta freda

a cor videtsch:

Ascheia spetga'l

sanzurs or digl lai –

sco egn ca â scret

a bisseg'egna breav....

 

Mo nigna forela

dat pled e fatg,

ni freada

ni morda –

murvids tras las undas

sapalpan dascus

igl croc a la corda.

 

Ala spunda survart

cazolas targlischan;

stélas scarsadas,

curdadas d'en tschiel

c'e orv e neraint.

 

Agl lai saspievlan

a peardan la furma,

eastras sanodan

agl ner da la notg.

 

Gio'd'egna terassa

cun pievel ca sòlta

zenslas rivan

dad egna canzùn

 
 
 
 
 
 
 
 
 
 
 
 

es naschieu als 13 settember 1918 a Pignia in üna famiglia da purs. Seminar da magisters a Cuira, magister a Pignia alura stüdis da magister secundar. Magister secundar ad Andeer. Mastrel e deputo da la Val Schons. Dal 1957 as renda el a San Murezzan scu magister secundar fin tar sia pensiun dal 1983. El es mort als 29 settember 1997 a Pignia.