il Chardun

revista  rumantscha independenta

CH - 7559 Tschlin

fon 081 866 36 76

IBAN CH

06/2014

Che ch'eu ödiesch il pled 'commercialisar'/vermarkten! Tuot sto gnir vermarktet

apunta, eir per rumantsch - cul pled tudais-ch. Üna jada d'eiran quai ils sclavs nairs in America! Sül marchà!

Anna-Lisa P.

  • Tü nu spettast gnanca ch'eu respuonda! Nischi!

 

 

 

Che manajast tü Giongion da tuot quista schmaina da fusiuns e da la reorganisaziun dal territori? Quai es bain uschè, cha quist maina ad üna centralisaziun da pussanza da las autoritats chantunalas, v.d. da la regenza e da quellas 'autoritats' democraticas/suveranas dirigidas chi survivan las fusiuns ed ils territoris reorganisats, v.d. eir tals  - fusiunats. Lura vessan quellas amo daplü da chedir. Eu m'impais p.ex. ad ün capo d'ün cumün chi po lura as cumportar sco ün pitschen despot, apunta cun la benedicziun da suringiò e... da l'economia. El chi'd es lura propa gnü tschernü da quella! Na e madinà!

Jon Duri P., S.

  • IL cuntschaint istoriker M. Bundi ha analisà quist 'fenomen' e nun es güsta gnü a fich bunas conclusius!

 

 

 

Her n'haja (4-6-2014) guardà il Telesguard. Tanter oter es gnü emiss ün'intervista cul cusglier guvernativ Cavigelli. In quella es gnü imbüttà da la moderatura (cun curaschi civil ed insistenza -.bravo!) cha la regenza nu fetscha seis dovair reguard la controlla da las praisas e dal rests d'aua pro la ouvras electricas.

  • Eir eu n'ha vis quist'emischiun e n'ha gnü plaschair da l'intervenziun dal RTR.
    Simils interlaschs nu's poja tolerar. Ma la politica es apunta illas griflas da l'economia, e quai adüna daplü. Las champognas electoralas vegnan 'halt' pajadas per buna part eir da quella.

 

 

 

Her suna - per sforz - gnü cun l'auto privat sü per l'Engiadina e n'ha constatà cun surpraisa e temma la quantità schmasürada da camiuns da materials da fabrica da firmas indigenas chi circuleschan süllas vias. Ed i vegnan adüna plü gronds! Quai sarà bun eir per promover la MOBOLITÀ in general. Juhui!

Not P., S.

  • Perche cun temma? Hast forza  eir tü l'impreschiun cha quai saja ün indiz pel svilup sfrenà sül sectur da fabrica chi imnatscha da surfabrichar in ün möd o tschel tuot la val?

 

 

 

Che dist tü dals cartels?

Walter W., Z.

  • Chi giovaran eir in avegnir a cartas! Cartels - c(h)artas. Che voust! Las multas saran cumpraisas aint ils quints.