06/2014

Tista Murk

 

 

NOS SUNTERI              

 

Sper la veglia clastra sta'l,

vegl eir el, il sonch terratsch;

qua rafüda mincha mal,

vit'e mort quia as dan il bratsch.

 

Üna spera tschella stan

tantas cruschs in rischla qua:

sco schi vessan cul mundan

eir lur cruschs dad els sbüttà.

 

lls papavers ardan clers

sper ils craps sül pitschen tom

e girellas fan ils splers

sur il frais-ch e viv püschlom.

 

Sper il tömbel giò'l chantun

ün homet s'ha cupidà,

sa chavrett'aint il cordun

sbluott'il röven invlidà.

 

 

Tista Murk es naschü sco 15avel uffant als 15 avrigl 1915 a Müstair. El fa il gimnasi a Mustèr ed a Sarnen. Stüdis a Fribourg, Berna e Paris. Lavura sco bibliotecar a Cuoira, pionier da radio e televisiun rumantscha e sco directur da la  biblioteca polulara svizra dal 1960 – 1980. Promotur e redschissur da teater e fundatur da „La Scena“. Tista Murk es mort als 18 avuost 1992 a Trun.

il Chardun

revista  rumantscha independenta

CH - 7559 Tschlin

fon 081 866 36 76

IBAN CH