il Chardun

revista  rumantscha independenta

CH - 7559 Tschlin

fon 081 866 36 76

IBAN CH

07/2014

Andri Peer           

 

es naschü als 19 december 1921 Sent. Sia giuventüna passainta el a Lavin, Zernez e Carolina, ingio cha seis bap lavura pro la viafier. Seminar da magisters a Cuoira e magister primar a  Lon (Schons). Stüdis da romanistica a Turich e Paris. Dal 1951 fin dal 1983 magister da frances al gimnasi da Winterthur. Incumbensà sco docent da lingua e cultura rumantscha a l’Università da Turich. Collavuraziun al radio e televisiun. El es mort als 2 gün 1985 a Winterthur.

 

 

CUMGIÀ         

 

lls ultims razs alguan sül lai,

e tia fatscha am surria.

 

Da tour cumgià ais ouramai

e d'ir minchün si'aigna via.

 

Fingià at tschüffa l'ester vent,

ta barcha mütscha, leid'e blonda.

 

Nu saintast quant ch'eu t'ha gugent?

Schi taidla l'uonda chi scuffuonda.

 

 

GIAVÜSCH          

 

Tira quaists vers in üna curaja

e metta'ls intuorn teis bel culöz

per invisibel nöbel clinöz

schi m'ais quai ruver ed urbaja

 

A tai d‘uondrar tuot mi'arsaja

zop eu in quists ümels pleds

id ais üsanza da poets

d’ir plünavant nun am parguaja.