il Chardun

revista  rumantscha independenta

CH - 7559 Tschlin

fon 081 866 36 76

IBAN CH

08/2014

25 ans föglin da Silvaplauna         

 

Cordielas gratulaziuns a quista publicaziun tuottafat speciela chi cumpera daspö 25 ans üna vouta al mais ed ho scu titel "Our da nos minchadi".

Quista publicaziun quinta in puter da chosas tuottafat differentas, da la natüra, da la tecnica, da l'istorgia, que as chatta eir poesias e ponderaziuns. Ella ho var 200 abunnents sternieus in tuot las parts da la terra! La stampa e la spediziun ho surpiglio la vschinauncha da Silvaplauna, la redacziun faun l'Anita Gordon e la Giorgia Gut.

As po be admirer la cuntinuited e la perseveraunza da quistas duos duonnas chi offran cun lur artichels lectüra interessanta putera. Cun que ch'ellas mettan  tiers mincha artichel ün glossari rumauntsch-tudas-ch es la publicaziun eir fich adatteda per glieud chi ho pür imprains rumauntsch.

Ün grazcha fich eir in nom dal Chardun a las duos duonnas instancablas.