08/2014

Armon Planta           

 

es naschü als 28 mai dal 1917 a Susch. Davo il Seminar da magisters a Cuoira ha el stüdgià a Turich e Grenoble ed ha fini seis stüdis cun la patenta da magister secundar. El ha dat scoula a Sta. Maria, Sent e Scuol ed ha lavurà daspera sco archeolog cun perscrutar principalmaing las vias dals pass grischuns. Cuort avant sia mort es Armon Planta gnü onurà cul dr. h. c. da l’Università da Berna. El es mort als 14 avuost dal 1986 a Sent.

 

 

LA „GRAZIA“ DA NOSS UFFANTS

 

Che dscharan noss uffants

da no commerciants

chi per spür'ingurdia

vain dat via

nossa chasa e prà

nos sögl dechantà

orma, ossa e pel

pel carussel

e trida fuschina

la NOUV'Engiadina?

 

Sün nossas

fossas

darana ün scrach

dschond in ester linguach:

„Ils raps

han sorbantà noss baps.>

 

 

 
DESTIN RUMANTSCH

 

Nus vain cret

chi saja dret

dad ir cul temp

mo da di in di

il temp es i

fond flus

cun nus

il Chardun

revista  rumantscha independenta

CH - 7559 Tschlin

fon 081 866 36 76

IBAN CH