il Chardun

revista  rumantscha independenta

CH - 7559 Tschlin

fon 081 866 36 76

IBAN CH

09/2014

Da codes               

 

Hest eir tü ün nummer? Ün füss bun, ma in vardet sune innumbrabels! Per sgürezza nu pigliast per tuot il listess code, scriva sü tuot tias cifras, segns e custabs e tegna‘ls zuppo. Ma che, scha nu sest pü inua cha quist scrit secret culs numers es? O scha’d hest schmancho per che adöver cha d’eiran previs ? Sainza quels nun existast pü: Il code per avrir il computer, quel per entrer illa rait, il code per Google, quel per Skype, ün oter per Facebook e nu schmancher quel da tieu stampeder. Il code per piglier raps dal conto, quel per tieu auto…  a na que nun es ün code que es ün nummer ed eir per la chascha d’amalos as tratta d’ün numer, scu eir quel pel telefonin – ma na, zieva l’avair stüz stust savair il code per l’activer darcho. Pover cho, e lura quellas cifras, la cifra postela da tia vschinauncha, mo bain eir quella ho sia cifra, saro tuot in uordan – nischi! Ma cu faun quels in America, chi saun tuot tieus e mieus numers, cifras, codes e tuot noss discuors… cu faune be da tgnair la survista? A nu’m plescha taunt cha quels survaglian tuot e per als piglier pel chül müdi da las voutas mieus codes, be cha nu chat uossa pü quel ultim schmaladieu scrittin per entrer i’l sistem cha vögl müder, per cha nu ‘m possan survaglier… forsa cha qualchün chi’m survaglia cun satelit ed oter am pudess güder, chi so? Ma lura - vis uschè – insè es que forsa nossa furtüna cha gnins survaglios, chi so?

XY/tar/FBIeUSAdontcare+zoflin))

 

Annemieke