09/2014

AITA STRICKER

es naschüda als 25 mai 1906 a Scuol ed es creschüda sü a Crusch, la fracziun da Sent. Cun 17 ons ha ella cumanzà ün giarsunadi da commerzi ill’ufficinada cura e trafic ad Arosa. Dal 1930 fin pro sia pensiun es ella statta in servezzan pro’l cumün dad Arosa. Ella es morta als 24 november 1995 a Scuol

 

 

NAIVERAS             

Co cha quai naiva coura lamin,

adüna inavant quist crodar.

Tras dis e nots sainza fin

par' il tschêl da's svödar.

 

El flocca sa richezza

davant portas a mantun

e zoppa la dürezza

da mincha piz e chantun.

 

Nu para la tettaglia

da succomber al pais

da quist'alba müravaglia

chi pertuot s'fa palais?

 

 

LA MAMMA MURIBUNDA       

L'ura da sablun

cuorra sainza pardun

pro mincha gran

plü fraid vain teis man

mamma - che dulur.

 

Davo cumbat e schaschin

es la forza a fin

e tü bramast il pos

da quel sön quaid e clos

mamma nus savain.

 

Amo üna jada

ün'u ltim'ögliada

ün quaid surrir

avant co ir

mamm'in amur

 

Alur'al divin

clam sur il glim

tü sieuast quieta

tuot tuot suletta

mamma - sta bain.

il Chardun

revista  rumantscha independenta

CH - 7559 Tschlin

fon 081 866 36 76

IBAN CH