il Chardun

revista  rumantscha independenta

CH - 7559 Tschlin

fon 081 866 36 76

IBAN CH

10/2014

Hast eir tü Giongion dudi, chi'd es gnüda fatta la proposta cha'l s-chalin ot da las scoulas d'EB dess gnir integrà i'l Institut Otalpin a Ftan, l'uschè nomnà  INSTI. Quai sarà per cha'l Chantun possa pajar amo daplü a quel.

Gian Reto Suber

 

  • Schi, eu n'ha let da quista proposta in üna gazetta, ma eu nu tilla chat plü.
    Sustegner las scoulas medias privatas sarà indichà, ma na in quist möd.
    Perche? Scha be pussibel dessan noss scolars pudair ir a scoula in cumün. Là es la lingua da comunicaziun eir in scoula ota almain pelplü il rumantsch, intant cha casü füss quai plü probabel il tudais-ch. Dimena füss quai a disfavur dal rumantsch. Schi nu sto propa esser, schi nu's trametta sà na a scolars our da cumün per chi nu sajan lura massa bler sün via e per las louas!
    E lura... la dumonda dal prestige! Quel chi va a l'INSTI ha pel solit per böt la matura chi til maina in seguit davent da l'Engiadina per 'ambir' il bachelor ed il master, la curuna d'üna vita, para!La scoulas medias insomma  producentas d'emigrantas chi's voulan scolar inavant, intant cha nossa economia e'l sectur da sanità han fadia da chattar giarsunas e giarsuns chi restan plüchöntsch in val e's mettan forsa ünsacura eir a disposiziun per plaivs publicas.
    La proposta surmanzunada es dimena a disfavur dal rumantsch ed eir uschigliö plü co be discutabla.

 

 

 

I nu voulan dar loc, quels da l'olympiada in Grischun; id es tantüna stat dit NA!

Lüzzi Luzi

 

  • Quai d'eira da preverer, chi nu vöglian dar loc! I fessan meglder da tscherchar propa in seri alternativas al turissem. Monoculturas sun in nom da Dieu labilas, dimena periclitadas.