il Chardun

revista  rumantscha independenta

CH - 7559 Tschlin

fon 081 866 36 76

IBAN CH

03/2010

Figl:
Tü bap, est tü eir per fabricher ün AKW in Engiadin’Ota?
Bap:
Ma est nar, chi vuless be ün’ouvra atomara co tar nus!
Figl:
Barba Tumasch disch cha güst’uschè bain scu cha Berlusconi pudess fabricher ün implaunt atomar al Lej da Com pudessans nus fabricher ün, magari giò tal Göri.
Bap:
Perche güsta tal Göri?
Figl:
Barba Tumasch managia, cha Göri hegia sà già la nouva lingia d’ota tensiun chi passa sur il tet da sia chesa oura. Ma vairamaing disch barba Tumasch, cha’l AKW stuvess gnir a ster tal Lej da Staz.
Bap:
Ma bazilla’l, barba Tumasch? Quel so bain cha’l Lej da Staz es üna regiun protetta e cha nu’s po fabricher ünguotta lo!
Figl:
Barba Tumasch argumentescha, cha scha’s possa fabricher üna staziun d’üna pendiculera sü tal Lej dals Chöds schi cha que giaja schon eir aint a Staz.
Bap:
Che idejas cha quel ho. Già ün’ouvra atomara tal Lej da Com füss bger memma daspera a l’Engiadina…
Figl:
8Sest bap, barba Tumasch ho let in giazetta cha’ls abitants dal chantun d’Argovia vöglian lascher fabricher auncha ün implaunt atomar a Döttingen. In quel möd pudessan els facticamaing impedir l’opziun da l’uschedit “gekröpfter Nordanflug” vers la plazza aviatica da Kloten.
Bap:
Aha, uossa d’heja savuro la puolvra. Barba Tumasch vuless lascher fabricher ün implaunt atomar tal Lej da Staz per impedir ils svouls da l’Engadin Airport!
Figl:
Schi, precis! Pensa be che avantags: tuot la Champagna as pudessa surfabricher scha que nu dess üngün Airport. Illa Champagna da Samedan nun exista ne prievel d’ ovazuns ne da lavinas ne da boudas e chi so, forsa survgnissans tuottüna auncha ün Lej da Samedan, managia barba Tumasch. (EP, 2-3-2010:„AKW 30 km vor Castasegna, NZZ 10-3-2010:„Mit einem AKW gegen Fluglärm“: