10/2010

Scha...           

 

Scha…
ils cumüns in Engiadin'ota vulessan fusiuner, lura pudess que eir esser ün avantag pel puter! Sgür cha la Lia e l'UdG haun già pront concepts cu cha ün artichel da lingua pudess sgürer il rumauntsch illa nouva constituziun. Sgür cha l'UdG e la Lia haun già cumanzo a contacter e sensibiliser als respunsabels e quels chi haun pled in chapitel per dumandas da lingua e cultura. Hoz lavuran tuots PRO ACTIV, nischi?! E dal rest vainsa ün center da cumpetenza in Engiadina, sieus collavuratuors nun organiseschan be cafels da suspürs.

Scha…
ils marenghins tschiorban e scha'ls Puschlevins acceptan las propostas da la RE-POWER, lura sune bainsvelt povers. A nu vendaron lur Val, lur gods e lur ovas per üna summa cha mincha "bänker" inchascha hoz scu BONI!? Che varguogna cha que füss! Scha vöglian realiser ün pêr progets per renatüraliser, daro que eir otras vias! Cu d'eira quella cumedgia da Dürrenmatt - "Der Besuch der alten Dame"? – ma nu d'eira que pütöst ün drama?

Scha…
ils cumüns in Engiadina bassa daun our d'maun lur ovas idraulicas, lura faune ün sbagl cardinel. Scha s'organiseschan traunter pêr paune eir impiegher ün specialist chi surpiglia per els la gestiun da lur ouvras. Meglder da nu's fider dals bels pleds, da tscherta glieud…ils pussaunts saun scu fer per survgnir tuot la controlla e tuot il guadagn.

Scha...
nus durmins al fos mumaint, poch güda da fer ün sbragizi zievatiers!

 

Maria Marmuogn

il Chardun

revista  rumantscha independenta

CH - 7559 Tschlin

fon 081 866 36 76

IBAN CH