11/2010

Olimpicamaing bel!              

 

Eviva chers cumpatriots, descendents dals grand pioniers!

Sun eau cuntaint! Finelmaing ans ris-chainsa darcho da preparer nossa terra per üna nouva olimpiada d'inviern! Nun es que bun da savair cha nos grand spiert nun es mort our dal tuot? Finelmaing pudainsa darcho sperer! Tar nus in Engiadina vo poch a poch a perder tuot: Ils hotels nu rendan pü, il turissem fo regress, tuot la cuccagna cha noss babuns haun, cun lur premurus spiert e curaschi, rabaglio in nossa val vo poch a poch ad ajer e rester nu resta pü ünguotta … forsa auncha ün pêr velinguottas sun in gir chi marmuognan be adüna e nu saun a chi cha'd haun dad ingrazcher lur bainster!Ma uossa ans pudainsa darcho allegrer: Noss politikers cun lur instancabel zeli sun vi dal preparer il pü grand evenimaint ch'ün po be as figürer: ün'olimpiada d'inviern. Finelmaing sarons salvos. Eviva il curaschi, eviva il progress!

 

E che dvainta da la natüra?

 

Che dumandast, tü pover tamberl! Hozindi vain guardo davaunt e davous cha tuot saja cumpatibel cun natüra e turissem, ad es cò il WWF e tuot la cumbricula, e taidla üna vouta: Scha que nu't plescha, schi svanescha, meglder hoz cu pür damaun…

 

göri

il Chardun

revista  rumantscha independenta

CH - 7559 Tschlin

fon 081 866 36 76

IBAN CH