08/2011

bck. Bler temp nu resta fin pro las tschernas dal parlamaint svizzer ed uossa cha las vacanzas sun a fin per dal bun dvantarn las tschernas il tema dominant aint illas gazettas ed aint ils mezs electronics. Eir il CHARDUN s’occupa da las tschernas dal parlamaint na in dand arcumandaziuns a chi chi saja da tscherner ed a chi na. Chenün parti chi saja da sustegner e chenün bricha. La tenuta dal CHARDUN es plü co cuntschainta e minchün sa da s’imaginar a chi cha’l CHARDUN sustegna. Quai cha nus preschantain in vista a las tschernas sun differents puonchs da vista: quel d’üna duonna (chi nu sustegna las quotas da duonnas) quel d’ün anteriur diplomat chi scriva sur da las lobbys e co cha quellas funcziunan. Las experienzas d’ün politiker activ vegnan tematisadas, ma eir quellas d’ün president da parti. Lura vaina eir l’opiniun dad inchün chi s’impippa da las tschernas e va sia aigna via e natüralmaing, suot il titel „Mister Badi versus Miss Berna“ ün text d’üna giuvna chi cugnuoscha la vita (electronica) in ün möd tuottafat special!

il Chardun

revista  rumantscha independenta

CH - 7559 Tschlin

fon 081 866 36 76

IBAN CH