il Chardun

revista  rumantscha independenta

CH - 7559 Tschlin

fon 081 866 36 76

IBAN CH

11/2012

„VIVER IN ENGIADIN’OTA“ - sbütto              

 

Passa 70% da las votantas e votants da l’Engiadin’Ota haun dit na a l’iniziativa „Viver in Engiadin’Ota“. Quella cifra ans muossa cha que nun es sto be la glieud chi viva directamaing da la fabrichanda chi es steda cunter quist instrumaint. Sgür bgera glieud d’eira da l’avis cha cun l’iniziativa da Weber saja reglo tuot il problem da las seguondas abitaziuns.

Il pisser resta: Cu esa da reagir scha ün di la dumanda per seguondas abitaziuns creschiss darcho fermamaing e per chesas in dret vegl gnissan pajos predschs astronomics?

Per fer frunt a quel scenari e cun que ad ün exodus dals indigens our da nossas vschinaunchas ho la Regenza grischuna dit ch’ella as pudess imaginer ün’imposta da regulaziun chi fess perder l’attractivited da seguondas abitaziuns … Am do da buonder cu cha ils possessuors dad edificis in dret vegl reagiron, scha ün di uschè ün’imposta vess propi da gnir introdütta. “Vessans be dit da schi, a sieus temps, a l’iniziativa “VIVER IN ENTIADIN’OTA”?

 

göri

 

 

 

 

 

 

08/2012

Allegra!                      

 

Eu sun ün Tudais-ch chi s'interessa fich per il rumantsch (ed il vallader impustüt) e per quai n'haja stübgià ün pa quista bella lingua e chapisch fingià il plü bler dals texts. Cun grond interess spetta adüna la publicaziun da "Il Chardun" da mincha mais chi'd es fat fich flott!

Cuntinuai uschena! Dal sgür as po uschè mantegner viv il ladin. Daja blers abunents?

Eir in Germania ed Austria?

Bun curaschi!

 

Cun cordials salüds

Lothar Drechsler, Weil der Stadt

 

P.S. I'm plaschan surtuot ils artichels chi sun "eir per tadlar".

03/2012

Che bel!               

 

Il parlamaint grischun (98 cunter 10) es sto per la resoluziun da pretender da la Confederaziun cha las abitaziuns in dret vegl sajan dad excluder da la regla da 20% seguondas abitaziuns scu cha l‘iniziativa da Weber pretenda.

Bod tuot las abitaziuns existentas in tuot ils lös in Svizra sun abitaziuns in dret vegl. Pigliains il cas il pü extrem inua cha la dumanda per seguondas abitaziuns füss illimiteda ed inua cha tuot ils possessuors dad abitaziuns in dret vegl füssan pronts da speculer cun lur possess. Nus gnissans ad ün pertschient da minimum 99, 9... % da seguondas abitaziuns – e sün tuot il terrain da fabrica auncha avauntmaun gniss natürelmaing fabricho abitaziuns prümas! Ad entress il spür cuntrari da que cha l’iniziativa da Weber ho intenziuno.

Nun es quecò bel?

Intuorn 90% da nos parlamaint giavüscha il cuntrari da que cha’d haun giavüscho 43% da las votantas e dals votants grischuns cun appruver l’iniziativa da Weber!

 

 göri