il Chardun

revista  rumantscha independenta

CH - 7559 Tschlin

fon 081 866 36 76

IBAN CH

11/2012

Crajast tü a las retscherchas reguard il pro e'l contra l'olimpiada? A vain pretais, cha la mited u ils 50 %+/- dal pövel saja per l'olimpiada. Quels chi haun fingià uossa las chotschas plainas da dbits (Tavo e bainbod eir San Murezzan) nu saregian bain na uschè pluffers da dir da schi be per ingraschanter auncha dapü a funcziunaris chi tschütschan vi da la tetta publica. Eau craj. cha quistas retschertchas vegnan manipuledas. A vain faquint surtuot dumando a da quels cha's so, cha sun a tuottavia aderents.

Arnold B. Z.

  • Ün biolog indigen m'ho dit ch'el saja per. A mia dumanda, sch'el nu s'impaissa reguard ambiant brichafat a sieus iffaunts ed event. abiedis nun ho'l do üngüna resposta.

 

Eu sun stat in october in Val Müstair, a Valchava, a la festa da la racolta. Ed eu n'ha giodü quist ambiaint, fin ch'eu sun rivà sü da la via pro ün stand dal PPS/SVP chi faiva - s'inclegia - propaganda politica. Eu am n'ha dumandà: Mo es quai be pussibel?

Rico N., A

  • Pro quel parti tuot es pussibel! E'l public tolerescha quai. Malavita! Ad üna bella festa populara!

 

Eu nu sun neir brich ün schnuaivel bun Rumantsch. Ma cur chi dischan e scrivan p. ex. nudrittüra engiadina, impè d'engiadinaisa, e chi dischan percunter "chaschöl grischunais", impè da grischun, schi'm va quai sü pel nas.

Nino L., S.

  • Schi! Ün da nus giò l'Appenzell nun es ün grischunais Appenzellais, dimpersè be ün solit Grischun e - basta!

 

"Regierungsrat Trachsel denkt nicht an vorzeitigen Rücktritt" (SO am Sonntag dals 4 - 1 1 - 2012), malgrà tuot quai ch'el ha sursviluppà e promovü: Resgia a Domat/Ems, uossa l'olimpiada etc. etc. Quel stuvess bain urgiantamaing davent? O?

Rea B. C.

  • S'inclegia! Schi! Schi! Schi!......

 

 

 

 

 

 

10/2012

ll cumün da Zernez spordscha ün bivgnaint propa impreschiunant e 'professiunal' e quai in bun rumantsch: "Zernez - das Tor zum Nationalpark". "Zernez - la porta dal Parc Naziunal" nu vess 'halt' inclet ingün! Claro! E lura, che bivgnaint luxurius! La tabla cul salüd es francada vi da culuonnas fattas our da bollers our dal let da l'En. Simboliseschan quels las testas finas dals da Zernez?

Mario L., S

  • Eu nu sa. Ma dumonda tantüna al numer 081 851 47 77 !

 

Da quellas retscherchas fattas reguard l'olimpiada schi u na am fidi be poch. A mieu avis es la granda part da la populaziun cunter ün'olimpiada. Scha dumandan p. ex. a la figlia dal "Mister Olimpic", schi es que bain 'evidaint', cha quella disch da schi! Ridicul!

M.P.,P.

  • Eir eau nu'm fid da quellas uschedittas retscherchas. E lura! Eau craj, cha'l saun penser cun ün NA es tuottüna pü deraso da que cha's craja.

 

Sest tü che cha que es: „l‘Armeda dal Salüd Rumauntscha (ASR). Pudess que esser qualchosa scu la AUNS?

Anna Lea P., P.

  • Üngün‘ideja sgüra, ma eau suppuon che cha que pudess esser!

 

 

 

 

 

09/2012

Mo nun es quai da's varsiar? Il pövel, chi'd es - para - la vox populi, ha decis cler e net reguard las seguondas abitaziuns. O na! E che piglian els a man, ils rapreschantants da quist pövel? I s'instrafottan. Eu di: varguogna! E quist pled drizza als manaders da quist pövel democratic (i'm vegn be da rier!): al Cussagl federal, al parlamaint, al surriaint sar Trachsel, cuadilo da la Regenza grischuna.

I's dschess bod cha'ls blers füssan i'l sold da l'imperi da las finanzas chi'd es per gronda part corruot. O?

Martin N., S.

  • Che voust ch'eu dschaja?

 

L'olimpiada in Grischun vegn fingià propagada cul tamburun. Ant co cha'l pövel saja gnü consultà sun ils 'machers' (eu nu sa il pled rumantsch) fingià vi dal prasepan chi maglian, ma i nu's magunan. I sun - dschessa - adüsats da profitar d'üna scossa chi's lascha tuonder.

E scha'l pövel disch da na? Lura?

Nicolin T., S.

  • Lura - tschertadüns - han fingià profità e fingià maglià - apunta - our dal prasepan da las impostas dal pövel. Ed eu nu dubitesch cha'l Concern da Medias Ringier (SO dals 1. da sett. 2012) nu fetscha eir el l'affar.

 

Daplüssas e plü largias vias e damain trafic! Quai para dad esser la logica dal muond modern. I paran be nars! Eu sun i her giò per val: 5 (tschinch) plazzals da fabrica! Chi paja quistas schmurdüms?

Arnold P., Z.

  • Nus!

 

"Prodots regiun a i v e l s ". Es quist ün neologissem idiomatic? O che?

Nora

  • Eu nu sun ün linguist. Ma eu dschess, cha radschunaivel nu saja'l

 

 

 

 

 

 

08/2012

Eu nu poss plü! Da tantas occurrenzas, arrandschamaints, commemoraziuns, events e celebraziuns da quista stà! I füss da's spartir almain in quatter per pudair esser dapertuot da la partida.

S.P., S.

  • Tü nu poust plü! Qua est tü svess la cuolpa, scha tü crajast da stuvair 'far adöver' da tuot l'inflaziun. Uossa esa jò fain avuonda! Che lingua! Uossa ch'eu am n'ha adüsà chi'

 

m dumondan, sch'eu n'ha(ja) 'bun', impè da 'bain', cumainzna a laschar davent l'artichel, p.ex. "La Brancla sbocca aint .... l'En", "Il cresch da la populaziun aint ... la regiun" "Bulais aint...aschaid" (sün ün'etiketta!). Tschel am disch inchün: "Eu s'agit da...!" e.u.i. Nu vessan ils linguists da s'intermetter?

Niculin P., A.

  • Eu ans agit eir eu!

07/2012

I's dschess, cha „quels da l'iniziativa rg/alfabetisaziun“ sajan tuottafat radschunaivels. Els, ils 10 pertschient. O? Per intant mettna nempe l'iniziativa in reserva.

Luzia M., Z.

  • A tuottavia daplü co quels idiomists fanatics chi taschaintan e discrediteschan a persunas d'oter avis. Schi, i vegn dafatta disfamà, e quai es bain intolerabel! Ed i vegn pretais adüna darcheu, chi nun hajan gnanca plü il san inclet. Per furtüna sun quai be ils 10 % da la Rumantschia. Tschels rapreschaintan 90% dals Rumantschs, dischna almain. Ma quia hana forsa forsa tut la bocca bocker plaina. Nischi!
    Els, apaina chi'd es stat fat il cumpromiss chi vaiva miss ün 'tschert' binari e terms (vags), han davopro vuglü avair daplü, meglder dit: tuot quai ch'els laivan - apunta - e quai a tuot cuost,. Eir a quel dals scolars!
    La proposta da la gruppa da lavur "Co vinavant cun il rumantsch grischun" sto in avegnir esser l'unica basa per üna discussiun ultimativa a reguard politica da lingua consequenta.

 

 

 

 

 

06/2012

Ün cusglier naziunal grischunais propuona da metter il Vereina aint illa rait da vias naziunalas. Ma nun es quai da gnir bluord? Transit gratuit tras il Vereina! Quai voul bain dir amo daplü trafic d'autos? Ed uossa vegn il nouv directur dal Trurissem grischunais e postulescha üna via da bikes tras tuot il GR. Stra v i a ts suna!

Albert P. , S.

  • S'inclegia! Daplü vias e plü grondas pussibel e daplü trafic. Ingün mâ nu pudarà cumprovar l'incuntrari. Dimena voulna insè ün augmaint dal trafic..... fin cha tuot es in malura. I voulan eir ün "Y". Nair dabsögn, natüralmaing! Eir ils "bikes" portan trafic. Fin chi sun sün lur via, suna sün otras roudas, saja quai lura sün da quellas dal trafic public o privat!
    (dal rest! Grischun basta, sainza -ais, sco pro Appenzellais, dimena!)

 

I sun aint in Samignun.

Be chi restessan quaint

- e quai per dal bun!

Menin dals Stincals

  • Güst'uschè nu's poja dir. Tanter quels 120 sun eir blers da quels dal san pensar ed - agir. Eir dischinteressats, baininclet!

 

Eau d'he udieu al radio, ch'ün'agenzia da 'rating' hegia constato, cha in Svizra a nu saja uschè mel cun la corrupziun. Che dist tü, Giongion?

Mario N., Z.

  • Udieu eir eau. Dumando vaivane surtuot a 'manegers'. Que es natürelmaing ridicul. Eau svess se nouvas da massiva corrupziun in nossa bella Engiadina. Ma nu'm fer dir, p.pl.! Vuless auncha viver ün tempet in pesch.

05/2012

Insè nun es mia dumonda üna dumonda, ma bainschi üna rectificaziun. Jost Falett ha pretais * cha no dals idioms nu fetschan neir davo nossa gloriusa victoria nöglia per nos idiom. Quel nu sa, pover tagnin, cha no vain l'intenziun d'organisar in mincha cumün cuors per l'analafabetisaziun in nos idiom per Rumantschs creschüts. *(n'ha let per cas üna columnia illa Quotidiana dals... na cha crajat forsa ch'eu saja abunnà, na na! Minchün dess ir seis destin, e quai sepradamaing!).

G. N. Tr., S.

  • Eu nu savaiva neir brich nouvas da vossa intenziun. Eu sa be, cha quels cuors per creschüts spüerts avant ons da la Scuntrada e Fuormaziun Ladina vaivan gnü ün pac bun esit. Faquint craja minchün, cha seis rumantsch saja bun avuonda. Perquai nun saran els neir na its a cuors, ma oramai giaran els dal sgür.

 

 

 

 

 

 

04/2012

Meis problem nun es 'no problem!' Pel solit as doda a dir: no problem! cun quella buna pronunzcha inglaisa...hm...! Ebain! Eu svess n'ha ün problem, ün problematsch.

Daspö la Dumengia da las palmas. Là am n'haja nempe fat spus a la tradiziunala, pro meis venturs sörs a Wattwil.

A Pasqua lura n'haja preschantà a mia spusa als meis. Mamma, davo ch'ella ha gnü - per uschè dir - directamaing 'perscrutà' a Natascha, ha dit sainza pleds: nöa mal, ma...! Che cha quel 'ma' laiva dir nun haja chapi. A bap ha'la parü simpatica, sco chi sun apunta quellas dad hoz. El manajaiva faquint : ün pa massa 'fancy' cun quels 'outfits' propa ün zich a travers aint illa cuntrada burgaisa da mia chà paterna.

Ils duos dis da Pasqua sun stats vaira agreabels, sainza - dschaina - fricziuns.

Ma...! Ed uossa vegn apunta il ma da mia mamma. Cun dir adieu m'ha'la scuttà ill'uraglia: "Tü Maini, hast vis co ch'ella ha decapità quella simla leivra da Pasqua. Be uschè zaccatè. Ed eir amo cun ün rier sadistic. E quai...a Pasqua..! E lura ha'la eir amo dit, ch'ella il plü gugent haja las uraglias, perche cha quellas sajan bod plainas. E lichà quels lefs 'a pinc', inguords, ha'la lapro."

Cun quai as dumandaiva mia mamma plü probabel, scha quista 'femna' saja propa üna duonna, meglder dit, la duonna per mai. (Ella disch 'femna' per da quellas femnas pac dabun).

Meis problem chi insè vess apunta da esser ün 'no problem' am zaccagna uossa di e not. Eu, cun mi'orma talamaing sensibla, sun uossa malamaing illas farlendas. Cha'l diavel schi e la leivra da Pasqua!

 

Maini Truasch

03/2012

Id es ils 11 da favrer 2012 - ün term politic zuond important. Eu n'ha gnü tuottadi temma d'invüdar il radio per tadllar ils resultats da las votumaziuns, siond bod adüna da quella vart chi perda.

L'iniziativa da Franz Weber ha gnü success. Quai am fa ün grond plaschair. La cuolpa (da 100%) cha l'iniziativa es gnüda acceptada es il boom da fabrica irrespunsabel, sustgnü da la politica burgaisa, a tuottavia da quels politikers chi's laschan tscherner cun agüd massiv da l'economia. O, che dist tü Giongion?

Damain plaschair n'haja gnü dals Jauers. Oramai cultivaina darcheu ils idioms, sco fin uossa! O nu cultivain nus forsa propa bain ils idioms?

Gianuot P., A.

  • Tü hast radschun. Reguard ils idioms esa da dubitar. Eu n'ha eir eu tadlà radio, eir eu cun üna "trücha dal tonder".
    Per la cultivaziun dals idioms es "dumandà tuot" cumbain chi'd es "gnü sü ün nosch vent", I sarà uossa difficil "da metter intuorn" il cumpromiss.

 

Ils duos numers da La Quotidiana avant las votumaziuns in marz d’eiran plain artichels cunter l’iniziativa Weber, gnanc’ün in favur. In üna charta episcopala dad üna mezza pagina declera il chauredactur l’iniziativa sco eretica.

  1. Han ils Sursilvans dabsögn da talas directivas sco ch’els ston vuschar?

  2. Pudain nus abunents engiadinais amo resguardar La Quotidiana sco nossa gasetta politicamaing independenta?

RA aCH

  • Il pled ‚eretic' es i sü pel nas eir a mai! Deplazzà è'l stat, tantplü ch'el ha scongürà ils ‚buns temps' passats dals scumpigls religius. Eu dubit cha' ls Sursilvans hajan dabsögn da directivas per vuschar. Eir quels temps appartegnan – sperain - per dal bun al passà. Reguard als abunents engiadinais: Eu sun persvas cha La Quotidiana vess publichà eir artichels a favur da l'iniziativa Weber, ma forsa nu d'eiran entrats ingüns. Scha quai nu vess dad esser il cas, lura füss tia dumonda propa güstifichada. Ma da mia experienza nu fa la LQ ingüna censura. Dumonda Es que il vaira cha Ueli Maurer es gnü al marathon cun ün GRIPEN? Arnold reposta Tü fast stincals!

 

Che fa uossa la povra industria da fabrica, davo quist'iniativa dals 20%? E quels Grischuns chi han dit da schi, sun eir quels da quels noschuns chi dictan che cha'l Grischun ha da far. I sun bain stats cuntaints (quels dal boom da fabrica, cur cha quels da la Bassa han fabrichà sü pro nus, tanter quels sgüra eir nos otstimatischem cusglier guvernativ Trachsel chi ha promovü ‚dischinteressadamaing' quel svilup.

O? M. S., Z.

  • Quai dal dictat es – sco cha tü dist – ridicul. Eu nu dubit cha l'industria da fabrica varà lavur eir in avegnir: renovaziuns, sanaziuns etc. Ed eu sun persvas chi gnarà in avegnir investi amo daplü in vias ed in fabricats publics (per promover ‚synergias'!). Ed uossa gnaran quels chi nun han amo ils 20% landervia. Tü vezzarast! Sta pür sainza pisser: Id han nempe il curtè pel monch. Quist disch ün da quels Grischuns dal dictat.

 

02/2012

Jau sun ün Jauer emigrà, ma jau passaint suvent mias vacanzas in Val. Ed eir uschigliö m'interessa per tuot quai chi scuorra e passa casü. Jau leg tuot, e taicl e tschüt a la TV tuot quai chi capita. Uossa capitan singularas robas, jau manai quai dal rg e dals idioms. Ma jau nu chapisch plü nüglia. Id es sco sch'üna tscherta isteria vess tut possess da la populaziun. Dafatta da quels chi uschigliö nu's cunfuondan da lur/ da lingua sun uossa infangats.

Ils Jauers vaivan 'stuvü' surtour a seis temp il vallader sco lingua scritta. Eir quella jada d'eiran da quels chi pretendaivan, cha quist fat saja la mort dal jauer. Ma quai nun es lura stat il cas. Blerant exista e flurischa il jauer pü co mâ. Il jauer vegn discurrü cun persvasiun, per furtüna. Forsa dafatta aposta, per cumpetter cun la lingua scritta, il vallader.

Perquai ma dumondi, perchai cha'l rg vess uossa da ruinar quai cha'l vallader nun es stat bun da far. Quai nu va aint in mia creppa. A mes avis nun imnatscha il rg brichafat l'existenza da l'idiom jauer, premiss cha'ls Jauers as sun propa consciants, chi han da cussalver lur lingua dal cour. Lura gniss lur idiom pür inandret tavellà cun persvasiun, e cun chürà e sögnà quel jauer oriund, impè da gnir nivellà dad ün oter idiom chi's svessa nivellescha.

E ...lura, quai chi m'es it malamaing sü pel nas es il fat, cha meis cumpatriots han dabasögn d'ün apostel populist nan da l'Engiadina per tils dir che e co chi han da far, plü bain dit da decider a reguard l'alfabetisaziun. Els sun bain autonoms! Segner char!

Che dist tü Giongion da quista fatschenda?

  • Il glistess sco tü. Dal rest vessast tü pudü segnar tia 'charta' cun teis nom, già cha tü nu fast noms. Ma eu suppuon, cha tü hajast temma, cha tia parantella vess forsa dischagremaints cun quels aderents fervents da l'iniziativa. Intant n'haja let eir las gratulaziuns da duonna Renata Bot a l'adressa da Castrisch, Sevgein e Riein (LQ dals 10 da favrer 2012 - [gnarà publichà eir aint illa Posta Ladina]).
    R. B. scriva: "Be il respet vicendaivel dals idioms fa la ferma cumünanza, la preschentscha e l'uniun tanter ils Rumantschs. E quel vaina!" La cumünanza!!! Eu am 'permet' da dubitar, cha'ls contacs tanter las regiuns sajan ferms avuonda per tilla consolidar l'existenza dal rumantsch eir per l'avegnir. Quant san ils üns da tschels? Schi, il RTR, per furtüna! Ma l'infuormaziun/orientaziun per mez da la pressa es mangluossa. Il fat es, cha be pacs Ladina p.ex. han abunà La Quotidiana. E'ls inscunters persunals - da fatscha a fatscha - tanter Rumantschs da las differentas regiunas, sun rars, nempe be in occasiun da la rad. annuala da delegats da la LR. Dimena!