03/2012

2012-03-11               

 

üna data per tegner adimmaint. Daspö as po ler ed udir plaunts e jeremiadas aint ils mezs da massa. L’avegnir vain descrit in culuors sombras dals politikers e da tuot quels chi fin uossa haun profito da la fabrica schmasüreda dad abitaziuns da vacanzas. Ma ils aderents da l’iniziativa nu sun guera gnieus a pled aint ils mezs da massa zieva la votaziun. Ils aderents vegnan perque a pled aint in quist numer dal CHARDUN, taunt cun artichels scu eir cun caricaturas. Eau persunelmaing sun viageda quist’eivna da Malöggia fin giò Scuol. Quista vouta d’he eau pudieu tegner aviert ils ögls, ils ultims ans guardaivi adüna be gualiv our per nu vzair tuot quels fabricats nouvs chi’m faivan gnir tuot melancolica. Quista vouta d’he eau guardo intuorn bain e d’he vis, cha’d existan propi fich fich bgeras abitaziuns cun üschöls serros. Dieu ludo es l’iniziativa gnida accepteda. Uossa as stu be sperer ch’ella vegna realiseda correctamaing.

Il seguond tema da quist numer ho eir dachefer culla votaziun dals 11 marz, quella davart il rg scu lingua d’alfabetisaziun. Eir sur da quist tema vainsa fich bellas caricaturas e buns artichels.

il Chardun

revista  rumantscha independenta

CH - 7559 Tschlin

fon 081 866 36 76

IBAN CH