il Chardun

revista  rumantscha independenta

CH - 7559 Tschlin

fon 081 866 36 76

IBAN CH

12/2013

La vana vanagloria                 

 

Be plü bachelers e masters! E buns solits mansterans solids vi e main! "Meis bab es ossa ün maschter(s) ", disch Erwin a seis ammi Domenic. E Domenic disch: "E meis bap es ossa daffatta ün bätschèller. Ed è völ lura eir nir ün da quês!"

 

 

 

 

 

 

10/2013

Da la benedicziun da la logica

Quel di cha'l mulla Nasrudin vaiva invidà a tschaina a plüs giasts, vaiva'l manà a chasa ün schnat toc charn, per cha sia duonna possa far ün bun rost landroura. Cur ch'ella laiva metter sün maisa la tschaina, nu d'eira plü ingün rost d'intuorn. Quel mancaiva, perche ch'ella til vaiva simplamaing mangià sü fingià our in chadafö.

Il mulla tilla dumonda:"Ma co mâ!?" Ed ella be respuonda :"Il giat til ha maglià inter ed intrat; tuottas trais glivras".

Nasrudin, sün quai dà man il giat e til metta sülla stadaira. Quel psaiva precis trais glivras. Nasrudin ha guardà pitiv per quai aint e glischà sia barba: "Scha quist quia es il giat, lura..." ha'l ponderà a fuond ."...lura ingio mâ es la charn? Da l'otra vart! Scha quist quia es la charn, lura ingio es il giat?"

ün vegl raquint

 

Not e di

Ün bel di ha ün rabbi dumandà a seis scolars: "Cura es il passagi da la not al di?"

Ils scolars han ponderà. Lura ha il prüm respus: "Cur ch'eu riv da disferenzchar üna chà d'ün bö-s-ch."

"Na", ha dit il rabbi.

"Lura, cur ch'eu riv da disferenzchar ün chan d'ün chavagl", prova ün oter da respuonder. Danövmaing ha il rabbi dit da na. Davopro han amo oters provà da chattar la resposta a la dumonda da lur magister.

Per glivrar ha il rabbi revelà il misteri: "Cur cha tü guardast aint per la fatscha d'ün uman e tü scuvrischast laint la fatscha da teis frar o da tia sour, lura pür es la not a fin è'l di ha cumanzà."

legenda güdeua