il Chardun

revista  rumantscha independenta

CH - 7559 Tschlin

fon 081 866 36 76

IBAN CH

03/2014

Sar Giachem es ün liberel               

 

Sar Giachem es ün liberel

e gioda sieu chapitêl

el sto sün spuonda sulagliva

suot parisol chi’l do sumbriva.

 

Ils reclamunzs ho’l ferm sül strich

quels nun inclegia’l propi brich

«Cu’s po be metter in dumanda

nossa lavur e propaganda?»

 

Sar Giachem es ün liberel

e qualvoutas eir sociel.

Impostas peja’l, grands mantuns

e sustegna ils liuns.

 

 

Sar Carli es ün socialist                  

 

Sar Carli es ün socialist

e’s do da grand idealist.

El sto sün spuonda sulagliva

suot parisol chi’l do sumbriva.

 

Ils liberels ho’l ferm sül stich

quels nu cumporta’l propi brich.

«Cu’s po be metter a mantun

dapü cu que cha’s vess dabun?»

 

Sar Carli es ün socialist

chi pisserescha per il güst.

Ma el nun ho il chapitêl

per pudair esser eir sociel.

 

polclo