il Chardun

revista  rumantscha independenta

CH - 7559 Tschlin

fon 081 866 36 76

IBAN CH

02/2014

Ma co es quai be pussibel, cha’l cusglier naziunal M. Candinas fetscha la proposta da surdar uossa (davo la votaziun reguard l’immigraziun dals 7 da marz da surlaschar il departamaint da l’extern a Maurer! Quai füss bain tant sco da far ir ün elefant aint in quella butia da porcellana svizra?

  • Forsa es quai manià uschè cha quel dess spadellar la buoglia cha seis parti ha miss sur fö.

 

Che inspiamaints satanics, da vulair collier il circus da skis da San Murezzan cun quel dal Corvatsch, e que sur il Lej dals chöds vi. Quels, retgnentschas nun haun propi üngünas!. U?

Ursina P., S.

  • Na, e propi üngün saun güdizi! In Surselva vögliane collier la regiun da skis da Sedrun cun quella da Laax/Falera. Üna diavlaria! Eir quels nun haun auncha bado, cha'l clima fo capriolas. La colliaziun da Lai/Lenzerheide cun Arosa es fingià fatta. Ad es da gnir bluord!

 

La regenza grischuna nu voul publichar tschertas robas forsa forsa ün zich delicatas. Che dist tü da quai?

Christoph T., Z.

  • Tü manjast la dumonda M. Trepp a la regenza reguard perdita rechav tras la revisiun da la ledscha d'impostas, nischi? La regenza nu voul respuonder causa manguel da temp. Che s-chüsa marscha! Incredibel! Ma l'uscheditta transparenza es eir i'ls cumüns ed illas regiuns dubitaivla.

 

 

 

 

 

01/2014

Lingua! Nun esa uschè, cha'ls mezs da massa stuvessan cultivar la lingua? Impè legia p. ex. "...arch in chel, e chanzuns da prümavaira. Varius ed avierts sun eir ils chantadurs".

Oscar D., P.

  • Scha quai füssan be fals da scriver, lura amo amo...(meis PC es eir legastheniker!).Ma i vegn eir discurrü uschè. Il bel cling dal "tsch" e da "dsch" va almain, apunta chel (pover bel arch in chel!) impè da tschêl etc. I's po eir dir, cha crappa sfenda cha "alch nu vaglia" inguotta , impè da vala...! Vagliar as vagliaiva ils morts! Insomma, da cultivar ün zich la lingua, quai nu vala (valair) plü inguotta! Giongion respuonda

 

Aint in tia sparta cumpara qua e là alch reguard lingua. Quai nu fa don! Ultimamaing n'haja dudi - cun mias aignas uraglias - il seguaint: "Que cha (sainza 'nus') vain miss avant, vaina eir pudü metter intuorn." Ma nun es quist il combel! Gian Battista

  • Schi!

 

"Ils La punters" haun fat quist e... "Ils La Punters" !!!! Scha savessan pronunzcher, schi dschessane faquint eir auncha 'Ils Chamues-chers'!

Anna-Tina B., S.

  • Que stuna! Scu eir ils 'Guardaners' per 'Ils da Guarda' - ed ils 'Scuolers' per 'Ils da Scuol'.